سن‌ټیک دټکنالوژي خدماتي شرکت

معاصره ټکنالوژي دغوره ژوند له پاره

زموږ موخه داده چې په مناسبه بیه، د اوږدې مودې تضمین او له ۲۴/۷ خدماتو سره هر کور ته د برېښنا برابرولو لپاره د باور وړ حل لارې چمتو کړو.

تأسیس کال 2023

د بنسټگر په اړه

له لندن څخه په برېښنایی او مخابراتو چارو کې د انجینرۍ سند لرل
د مخابراتو د روزنیز مرکز استاد او رئیس، کابل، ۱۹۷۵-۱۹۸۰
د پاچا خالد نړیوال هوايي ډګرد مخابراتو پروژه، ریاض، سعودي عربستان، ۱۹۸۱-۱۹۸۴
د سویډن ګرځنده شبکې پلان او ډیزاین ۱۹۸۵-۱۹۹۰
د سویډن د مخابراتو ادارې په استازولۍ په لاتویا ، استونیا ، هنګری ، روسیه ، ایټالیا او هند کې د ګرځنده خدمتونو د جوازونو تر لاسه کول او د شرکتونو تاسیس ۱۹۹۰ - ۲۰۰۰
د مخابراتو او معلوماتی ټکنالوژۍ وزیر، افغانستان ۲۰۰۴-۲۰۱۴ له لویو لاسته راوړنو سره
په ۲۰۰۴ کال کې په افغانستان کې د افغان تیلي کام مخابراتي شرکت جوړول او په ۲۰۱۴ کال کې د سلام موبایل شبکې تاسیس
د ۵ جوازونو په صادرولو سره د شرکتونو له لارې هر افغان ته د ګرځنده ټلیفون ورکړه
د برېښنایي تذکرو د سیسټم جوړول او د هغه پر بنسټ نن هر افغان ته د برېښنایی تذکرو صادرېدل
د نوری فایبرشبکې جوړول او د هغې له طریقه ټولو افغانانو ته د انټرنیټ خدمتونه برابرول
د «زه او مخابرات» کتاب لیکوال، چې افغانستان کې د مخابراتو او معلوماتي ټکنالوژۍ پرمختګ کې د لیکوال ونډه او تجربې په ډاګه کوي

د فعالیتونو ساحه

سن‌ټیک لمریزه انرژي

په مناسبه بیه هر کور، خصوصي سکتور شرکتونو او د دولتي ادارو لپاره د پاکې، دوام لرونکې او باوري انرژۍ د حل لارو پراختیا او برابرول.

سن‌ټیک اوبه

د ګرمو او پاکو اوبو رسولو لپاره د پرمختللې ټکنالوژي پراختیا او په مناسبه بیه د حلونو او خدماتو وړاندې کول.

سن‌ټیک کرنه

د سړو خونو لپاره د نوو ټیکنالوژیکو حلونو پراختیا او د کرنې په برخه کې له اوبو څخه اغېزناکه ګټه اخیستنه.

سن‌ټیک معلوماتی ټکنالوژي

د دولتی خدمتونو د لا اغېزناکو، مناسبو او رڼو خدمتونو د وړاندې کولو لپاره د پرمختللې معلوماتي ټکنالوژۍ د حلونو پراختیا او وړاندې کول.

د کورونو لپاره زموږ د انرژۍ بشپړ سیسټمونه

سن‌ټیک په یو واحد بکس کې د انرژۍ بشپړ سیستمونه وړاندې کوي چې پکې د MPPT فعالیت، لیتیوم بیټرۍ، د بیټرۍ د مدیریت سیسټم او ټول اړین محافظت شامل دی او پر بام به له لمریزو تختو سره نښلول شوی وي.

دا سیسټمونه د ۱۰ کلونو تضمین سره وړاندې کیږی

PV/ESS1.6:

۱،۶ کیلو واټه سیسټم د کوچنیو کورنیو او کلیوالي سیمو لپاره. ۱،۶ کیلو واټ انورټر او ۱،۶ کیلوواټ ساعت بیټرۍ ۴ لمریزې تختې.

PV/ESS3:

۳ کیلو واټه سیسټم په ښارونو او کلیوالی سیمو کې د منځنۍ اندازې کورنیو لپاره. ۳ کیلو واټ انورټر او ۲،۵۶ کیلوواټ ساعت بیټرۍ ۶ لمریزې تختې.

PV/ESS5:

۵ کیلوواټه سیسټم په ښاري سیمو کې د ډېری کورنیو لپاره. ۵ کیلو واټ انورټر او ۵،۱۲ کیلوواټه ساعت بیټرۍ ۸ - ۱۰ لمریزې تختې.

PV/ESS10:

۱۰ کیلو واټه سیسټم د لویو کورنیو لپاره. ۱۰ کیلو واټ انورټر او ۱۰،۲۴ کیلو واټ ساعت بیټرۍ ۱۰ - ۱۸ لمریزې تختې.

دکورونو لپاره زمونږ د انرژۍ زېرمه کولو سیسټمونه

دا په یو واحد بکس کې د انرژۍ زېرمه ده چې پکې انورټر او لیتیوم بیټرۍ شاملې دي، هغو کسانو ته وړاندی کیږي چې د مخه لمریزې تختې لري یا په ښاري سیمو کې دUPS په توګه کارول کیږی.

دا سیسټمونه د ۱۰ کلونو تضمین سره وړاندې کیږي

ESS1:

۱،۶ کیلو واټه سیسټم د کوچنیو کورنیو لپاره. ۱،۶ کیلو واټ انورټر او ۱،۶ کیلو واټ ساعت بیټرۍ.

ESS3:

۳ کیلو واټه سیسټم د منځنیو کورنیو لپاره. ۳ کیلو واټ انورټر او ۲،۵۶ کیلو واټه ساعت بیټرۍ.

ESS5:

۵ کیلو واټه سیسټم د اکثریت کورونیو لپاره په ښاری سیمو کې. ۵ کیلو واټ انورټر او ۵،۱۲ کیلو واټ ساعت بیټرۍ.

ESS10:

د لویو کورنیو لپاره ۱۰ کیلو واټه سیسټم. ۱۰ کیلو واټ انورټر او ۱۰،۲۴ کیلو واټ ساعت بیټرۍ.